Бугундан Ўзбекистонда «Chevrolet Onix» автомобили учун шартнома бериш бошланди

Бугундан, яъни 1 ноябрдан бошлаб «UzAuto Motors» компанияси «Chevrolet Onix» автомобили учун шартнома беришни бошлади.

Компания «Chevrolet Onix» учун нархларни қўшимча қиймат солиғисиз эълон қилди. Бу дегани машиналар кўзингизга худди арзондек кўринади, аммо аслида кўрсатилган нархнинг устига яна 15% ҚҚС қўшиб тўлашингиз керак.

💰Ҳозирда сотувда мавжуд нархлар қуйидагича:

1ЛС 1,2 МТ – 133 040 000 — 152 млн 996 минг сўм;
3ЛТ 1.2 МТ – 141 960 000 — 163 млн 254 минг сўм;
ЛТЗ 1,2 Турбо АТ – 165 180 000 — 189 млн 957 минг сўм.

⏳ Шунингдек, яна энг арзон 1,2 МТ Соддалаштирилган комплектация ҳам бор. Унинг нархи 110 млн — 126 млн 500 минг сўм. Лекин бу энг арзон позиция сотувда йўқ. Олмоқчи бўлган харидорлар ариза берар экан, агар етарли ариза тўпланса (етарли деганда қанча ариза назарда тутилаётгани номаълум), кейин компания бу позицияни ишлаб чиқариш ёки чиқармасликни ўйлаб кўраркан. Хуллас, катта эҳтимол билан бунақа арзон комплектациядан умид қилмаса ҳам бўлади.

Демак, бугундан барча автосалонларда одам гавжум бўлиши, шартнома олиш учун турнақатор навбатлар юзага келиши кутилмоқда.