Бу йил қанча абитуриент ОТМга кириш учун имтиҳон топширади?

Давлат тест маркази хабарига кўра, Ўзбекистонда олий таълим муассасаларига ўқишга кириш учун абитуриентлардан аризалар қабул қилиш ниҳоясига етди.

Бу йил 1 миллион 200 минг ўғил-қиз тест имтиҳонлари топширади.

Абитуриентлардан 395 минг 23 нафари жорий йил, 819 минг 209 нафари эса ўтган йиллар битирувчиларидир. Абитуриентларнинг аксарияти – 612 минг 530 нафари таълимнинг кундузги шаклини танлаган бўлса, сиртқи бўлимга 565 минг 902 киши, кечки бўлимга 27 минг 417 ва масофавий таълимга 8 минг 383 нафар абитуриент ўқишга кириш истагида олий таълим муассасаларига ўз ҳужжатларини топширган.

Энг кўп – 140 минг 797 киши Қашқадарё вилоятида истиқомат қилувчи абитуриентлар ҳисобига тўғри келган. Кучли учликдан Самарқанд вилояти – 133 минг 610 нафар ва Тошкент вилояти – 116 минг 251 нафар абитуриентлари ўрин олди.

Шунингдек, Фарғона вилоятидан – 109 минг 938 нафар абитурент, Сурхондарё вилоятидан – 106 минг 145, Андижон вилоятидан – 79 минг 235, Наманган вилоятидан – 77 минг 607, Қорақалпоғистон Республикасидан – 75 минг 819, Жиззах вилоятидан – 74 минг 346 нафар, Тошкент шаҳридан – 68 минг 545, Бухоро вилоятидан – 67 минг 663, Хоразм вилоятидан – 64 минг 351, Навоий вилоятидан – 54 минг 512 ва Сирдарё вилоятидан – 45 минг 413 нафар абитуриент олий таълим муассасаларига кириш мақсадида ўз ҳужжатларини топширди.