“Бу уюштирилган автофалокат эди!”: машҳур қўшиқчининг мухлислари ундан шубҳа қилишмоқда
Хонанда МакСим шифохонадан чиқарилгандан сўнг дарҳол Абонент банд номли қўшиғига ишланган янги клипни тақдим этди.
Мухлислар эса қўшиқчи билан содир бўлган автофалокатни шунчаки, пиар учун қилинган дея, ҳисоблашмоқда. Ваҳоланки, янги клипда ҳам қўшиқчи автофалокатга учраган-да!
Бироқ, қўшиқчининг продюсерининг айтишича, бу ерда ҳеч қандай пиар йўқ. Марина Максимова ҳақиқатан ҳам автофалокатга учраган ва касалхонада бир неча ҳафта ўтказган.
Воқеа содир бўлган кунда ҳам хонанда ушбу қўшиқ учун тайёрланаётган клипнинг суратга олиш ишларига шошилиб кетаётган бўлган, лекин бахтсиз ҳодиса сабаб жараёнда қатнаша олмаган. Продюсер қўшиқчининг иштирокисиз видеони олишга қарор қилган.
Ҳозирда қўшиқчи ўзини ажойиб ҳис қилмоқда. Бир неча кун ичида унинг янги контсерти бўлиб ўтиши кутилмоқда.
