Бу қотилликми? Ҳамшира Марадонани эрталаб уйғотмаган
Собиқ аргентиналик футболчи Диего Марадонанинг шифокори Леополдо Лукининг уйи ва клиникасида суд қарори билан тинтув ўтказилди. Бу ҳақда ТN телеканали хабар берди.
Тергов давомида уяли телефонлар, компьютерлар, Марадонанинг касаллик тарихи, шунингдек, даволанишга оид ҳужжатлар олиб қўйилган. Расмийлар шифокорнинг футболчига тиббий ёрдам кўрсатишда бепарволикка йўл қўйганлигини аниқламоқчи.
27 ноябрь куни маъмурлар Марадонанинг ўлим куни уйида навбатчилик қилган ҳамширани бепарволикда гумон қилишгани ҳақида хабар берилган эди. Тиббий ходим кўрсатмаларга зид равишда спортчини эрталаб уйғотмаганлиги аниқланди.
Марадона 25 ноябрь куни 60 ёшида вафот этди. Ўлим сабаби юрак етишмовчилиги туфайли келиб чиққан ўткир ўпка тўлови эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
