Британия Украина ҳудудининг 2 фоизи учун ярим миллион россиялик ҳалок бўлганини билдирди
Британия Қуролли Кучлари раҳбари Рич Найтон Россия қўшинларининг умумий талафотини 1,5 миллион киши деб баҳолади. Унинг айтишича, талафотларнинг асосий қисми 2023 йил январидан кейинги даврга тўғри келган.
Британия ҳарбий разведкаси маълумотига кўра, Украинадаги уруш давомида тахминан 500 минг нафар россиялик ҳарбий ҳалок бўлган. Бу ҳақда Британия Қуролли Кучлари раҳбари Рич Найтон маълум қилди.
Унинг баҳосига кўра, 2022 йил февралидан буён Россия қўшинларининг ҳалок бўлганлар ва ярадорларни ўз ичига олган умумий талафоти тахминан 1,5 миллион кишини ташкил этган. Найтоннинг таъкидлашича, талафотларнинг мутлақ кўпчилиги 2023 йил январидан кейин содир бўлган.
Британия Қуролли Кучлари раҳбарининг айтишича, бундай катта талафотлар Россия қўшинларининг Украина ҳудудининг атиги тахминан 2 фоизини эгаллаши эвазига юз берган.
«Менимча, бу рақамлар бундай арзимас ҳудудий илгарилаш учун инсон ҳаётининг қанчалик бемаъни ва самар