Британия Россиянинг учта авиакомпаниясига нисбатан санкция қўллади

Британия Россиянинг учта авиакомпаниясига нисбатан санкция қўллади

Буюк Британия Россиянинг “Аэрофлот”, “Россия” ва “Урал авиақатнови” авиакомпанияларини санкциялар рўйхатига киритди. Бу ҳақда Британия ҳукумати сайтида эълон қилинган.

Қайд этилишича, Британия ушбу учта авиакомпанияларни санкциялар рўйхатига киритиш билан биргаликда уларнинг активларини ҳам музлатиб қўйган.

"Аэрофлот" Россиядаги энг йирик авиакомпания ҳисобланади. У стратегик муҳим транспорт соҳасида фаолият юритиб, Россия ҳукуматига фойда келтиради ва уни қўллаб-қувватлайди. Компания Россия давлатига тегишли бўлгани учун у ҳукумат билан боғлиқ юридик шахс сифатида ҳам ишлайди", дейилади хабарда.

“Урал авиақатнови”га нисбатан санкция қўлланиши эса компания Россия Федерацияси учун стратегик аҳамиятга эга фаолиятни амалга ошираётгани билан изоҳланган.

Буюк Британия Ташқи ишлар вазирлиги томонидан эълон қилинган баёнотда айтилишича эса янги чекловлар “Аэрофлот”нинг Британия аэропортларида қолган слотларини (парвоз келиши ёки учиши учун ажратилган вақт) сотишдан фойда олишига тўсқинлик қилади. ТИВга кўра, ушбу слотларнинг нархи 50 миллион фунт стерлингга (ҳозирги курс бўйича 62 миллион доллар) тенг.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!