Британия разведкаси: Путиннинг сафарбарлик хатоларини тан олиши муаммо кўламини кўрсатади
Буюк Британия Мудофаа вазирлиги ҳарбий разведкаси Россия президентининг 29 сентябрдаги сафарбарлик вақтида тузатилиши керак бўлган хатолар ҳақидаги баёнотини изоҳлар экан, Владимир Путиннинг юзага келган муаммоларни "ноодатий тез" тан олишидан ҳайратда эканини маълум қилди.
Британия разведкаси маълумотларига кўра, бу биринчи ҳафтада (21 сентябрдан кейин) сафарбарлик қанчалик тартибсиз бўлганини кўрсатади. Расмийлар, эҳтимол, "сафарбарлик кампаниясининг аниқ кўлами ва қонуний асосларини билишмайди, шунинг учун улар Путин ва Россия Мудофаа вазирлиги томонидан эълон қилинган таърифларга тўғри келмайдиган ходимларни жалб қилишган".
"Ҳозир, чақирилувчи заҳирадаги аскарлар чодирли транзит лагерларида йиғилишда давом этар экан, расмийлар чақирилувчиларни ўқитиш ва янги бўлинмаларга раҳбарлик қилиш учун офицерларни топиш учун курашмоқда", дейилади хабарда.
