Британия бош вазири Риши Сунак жаримага тортилди

Британия бош вазири Риши Сунак жаримага тортилди

Буюк Британия бош вазири Риши Сунак автомобилнинг йўловчи ўриндиғида кетаётганида хавфсизлик камарини тақмагани учун жаримага тортилди.

Англия шимоли-ғарбидаги Ланкашир полицияси “Лондонлик 42 ёшли эркак”ка жарима ёзганини айтган.

Ҳаракатланувчи машинада хавфсизлик камарини тақмаслик учун жарима 100 фунтни (тахминан 1 400 000 сўм) ташкил этади, агар қоидабузар судга мурожаат қилса, лекин ўшанда ҳам айбдор деб топилса, жарима 500 фунтга кўтарилиши мумкин.

Даунинг-стрит идораси ўз баёнотида Сунак хатосини тўлиқ тан олиб кечирим сўраши ва жарима тўлашини айтди.

Айтилишича, бош вазир Ланкаширда Британия ҳукуматининг минтақавий ривожланиш дастури ҳақида реклама ролигини суратга олиш чоғида хавфсизлик камарини ечишига тўғри келган.

Бу Сунакнинг ҳукумат давридаги иккинчи жаримаси. Ўтган йилнинг апрель ойида у пандемия даврида карантин қоидаларини бузгани учун Борис Жонсон ва унинг рафиқаси Керри билан бирга жаримага тортилган эди. Сунак 2020 йил июнь ойида ўша пайтдаги Бош вазирнинг туғилган кунини нишонлашда иштирок этаётган пайтида жаримага тортилган.

Либерал демократлар аллақачон полиция томонидан жаримага тортилган тарихда иккинчи бош вазир бўлган Сунак "Борис Жонсон каби қоидаларга ҳурматсизлик кўрсатганини" айтди.

“Улар гўё ўзлари учун бошқа, қолганлари учун эса умуман бошқача қонунлар бордек ҳаракат қилишади, бироқ бу жарима консерваторлар, охир-оқибат ўзларига муносиб жазо олишидан далолатдир”, деди партия етакчиси Дейси Купер.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!