Brexit: юришни Буюк Британия бошлайди ва ютқазади

Буюк Британияда Brexit жараёни бўйича ноаниқлик сақланиб қолмоқда.

Британиянинг Европа Иттифоқи (Brexit ) дан чиқарилиши ҳақидаги келишувига овоз бериш жараёни британия парламентида 11 декабрь куни бўлиб ўтади. Шу билан бирга, Буюк Британиянинг ҳозирги аҳволининг натижалари бир-биридан яхшироқ эмас. Бу хақда Анадолу агентлиги хабар бермоқда.

Буюк Британияда Brexit жараёни бўйича ноаниқлик ҳалигача давом этмоқда. Буюк Британияда ҳеч ким Брюссел билан Brexit юзасидан икки йиллик музокаралар олиб борган Бош вазир Тереза Мэй томонидан эришилган келишувдан мамнун эмас.

Буюк Британияда кескин норозиликни келтириб чиқарган, 585 бетлик Brexit келишуви ва 26 бетлик сиёсий декларация, Лондон ва Брюссел ўртасидаги муносабатларнинг келажагини белгилайди.

Ультра-ўнг тарафдорлар, ўз маъносини йўқотган "Brexit - Brexit бўлмай қолди", деб ҳисоблайди.

Буюк Британия Парламенти Мажлиси Палатаси 650 нафар депутатга эга. Тереза Мэй бошчилигидаги консерватив партия 315 нафар депутатдан иборат. Муҳолиф қарашдаги 101 депутат келишувни маъқуллашдан бош тортиши кутилмоқда.

Мэй ҳукуматини қўлловчи, Шимолий Ирландиядаги ультра-ўнг Демократлар Иттифоқи партиясидан 10 нафар депутат, Brexit келишувини 11 декабрь куни қўллаб-қувватламаслигини билдирди. Мухолифат партиялари ҳам ушбу келишувга қарши чиқиши кутилмоқда.

Сиёсатшуносларнинг айтишича, вазиятнинг бундай тус олиши Мэйнинг муваффақияти деярли нолга тенг дегандир. Аҳир, бош вазир аввалданоқ депутатларга келишув лойиҳасини қўллаб-қувватлаши ёки Brexitсиз қолиши хақида шарт қўйган эди.

Буюк Британия учун сценарийларнинг қайси бири мосроқ эканлиги ҳозирча аниқ эмас. Инсон ҳуқуқлари бўйича Европа суди 10 декабрь куни Буюк Британиянинг Европа Иттифоқидан чиқиб кетиш жараёнини бир томонлама бекор қилиш ҳуқуқига эга экани юзасидан ажрим чиқарди ва бу, вазиятнининг янги вариантлари пайдо бўлишига олиб келди.

Manba: ufq. uz