Brexit’ни бекор қилиш тўғрисидаги петицияни 900 мингга яқин британиялик имзолади

Brexit’ни бекор қилиш тўғрисидаги петицияни 900 мингга яқин британиялик имзолади

Буюк Британия ҳукуматидан ЕИ таркибидан чиқмаслик талаб қилинган петиция 890 мингдан ортиқ овоз тўплади, деб хабар берди Интерфакс.

Британия ҳукумати ЕИдан чиқиш халқ хоҳиши эканлигини бир неча бор баёнот берди. Биз халқ Буюк Британиянинг ЕИда қолишини қанчалик кучли қўллаб-қувватлашини кўрсатиб, бу баёнотни йўққа чиқаришимиз керак , - дейилади петицияга изоҳларда.

Мамлакат парламенти энди ушбу петицияни мунозараларга олиб чиқиш масаласини кўриб чиқади, чунки петиция 100 мингдан ортиқ овоз тўплаган.

Brexit 29 мартга мўлжалланган. Шундан сўнг, Мэйнинг режасига кўра (ушбу режа Британия парламенти томонидан рад этилган) Буюк Британияда 2020 йил 31 декабргача ўтиш даври амал қилади.

15 март куни Британия парламенти депутатлари Brexit нинг 29 мартдан кечроқ муддатга кўчирилиши учун овоз бердилар. Brexit санаси кўчирилишига 412 депутат овоз берган, 202 нафари қарши чиққан.

Энди сананинг кўчирилиши бўйича Европа Иттифоқининг қолган 27 аъзоси келишиб олиши лозим.

Manba: kun. uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!