“Brexit”га қаршилар сони 5 миллионга етди

Буюк Британиянинг Европа Иттифоқидан чиқишига қарши петиция 5 миллион киши томонидан имзоланди. Бу ҳақда Британия парламентининг веб-сайтида хабар қилинди.

Петиция референдум ўтказиш ташаббуси учун қўйилган имзолари билан мамлакатнинг ўзида рекорд ўрнатди.

Brexit га қарши имзо тўплаш 20 феврал куни бошланган эди. Регламентга кўра, агар имзоловчилар сони 100 минг кишидан ортиқ бўлса, парламент ҳужжатни кўриб чиқиши керак. Бироқ ҳукумат одамларнинг талабларини бажаришга мажбур эмас.