Бразилия термаси устози: "Месси тилига эҳтиёт бўлиши керак"

Бразилия терма жамоаси устози Тите Аргентина термаси етакчиси Лионель Мессининг танқиди ҳақида гапирди. Маълумот учун, Месси Бразилиядаги Америка кубоги ташкилотчиларини порахўрликда айблаган ва соврин топшириш маросимида қатнашмаганди. 

"Мен ўзгача қобилиятга эга, ўзга сайёралик деб ҳисоблайдиган, қойил қоладиган футболчи ўз ҳурматини билиши керак. Месси мағлубиятни тан олиши лозим. У тилига эҳтиёт бўлсин. Ҳар хил гаплари билан буюклигини шубҳа остига қўймасин", – деди Тите.