Бош вазирнинг ўринбосари аёлларни кам фарзанд туғаётганликда айблади

Япония бош вазирининг ўринбосари Таро Асо аёлларни кам фарзанд туғаётганликда айблади. Бу ҳақда BBC хабар бермоқда.

Сиёсатшуноснинг фикрича, мамлакатда жиддий муаммолар кузатилмоқда, бу эса туғилишнинг паст даражаси билан боғлиқ бўлиб, йилдан-йилга туғилиш даражаси пасайиб кетаётган экан.

Мухолифат вакиллари эса ўринбосарнинг гапларига қарши фикр билдиришди ва бош вазир ўринбосарининг бундай баёноти соғлигида муаммоси бор ва шу сабаб фарзанд кўриш имконига эга бўлмаган жуфтликлар учун оғриқли бўлиши мумкинлигини таъкидлашмоқда.