Борис Жонсон: дастлабки уч ой Британия тарихидаги бурилиш палласи бўлади
Буюк Британия бош вазири Борис Жонсон ҳукуматдагиларнинг барчаси Бирлашган Қиролликнинг 31 октябргача Европа иттифоқидан чиқиши тарафдори эканини айтди.
“The Independent” газетаси сайтидаги маълумотга кўра, янгидан шакллантирилган вазирлар маҳкамасининг биринчи йиғилишида Жонсон ўзининг бош вазирлик давридаги дастлабки уч ой Британия тарихидаги бурилиш палласи бўлади, деб таъкидлаган.
Эслатиб ўтамиз, пайшанба куни янги бош вазир вакиллар палатасида чиқиш қилиб устувор вазифаларни баён қилганди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
