Болаларни боғчага қабул қилиш бўйича икки турдаги хизмат вақтинча тўхтатилди. Нега?

Болаларни боғчага қабул қилиш бўйича икки турдаги хизмат вақтинча тўхтатилди. Нега?

2019 йил 1 июлга қадар “Болаларни давлат мактабгача таълим муассасаларига қабул қилиш бўйича электрон ариза юбориш” ва “Болаларни давлат мактабгача таълим муассасасига қабул қилиш навбатини текшириш” давлат хизматларини кўрсатиш вақтинча тўхтатилади, деб хабар берди Давлат хизматлари агентлиги.

Сўнги кунларда Давлат хизматлари агентлигига мактабгача таълим муассасалари тизимидаги навбатлар позициялари ўзгариши билан боғлиқ бир нечта мурожаатлар келиб тушди.

Мактабгача таълим вазирлигининг расмий мурожаатига биноан, мактабгача таълим бошқариш тизимини такомиллаштириш учун имтиёзи бор болаларни электрон навбатга қўйишда махсус ҳисобга қўйиш ва мониторинг қилиш тизими жорий этилмоқда.

Ушбу ишлар тизимли муаммоларини бартараф этиш ва уларнинг олдини олиш, шунингдек, мазкур хизматни кўрсатишда инсон омилини бутунлай йўқ қилиш ва тўлиқ автоматлаштириш учун амалга оширилмоқда.

Шу боис, 2019 йил 1 июлга қадар электрон навбат Ягона интерактив давлат хизматлари порталидан қайта тикланади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!