Боғчадаги жиноятлар фош этилди: болаларни уришган, ҳақоратлашган ва мазах қилишган

Оренбург вилоятидаги болалар боғчаларидан бирида турли жиноятлар фош этилди. Бу ҳақда маҳаллий прокуратура матбуот хизмати хабар тарқатди.

Маълум бўлишича, тарбиячилар боғча болаларини уришган, ҳақоратлашган, мазах қилишган. Хусусан, уч яшар болакайнинг қўлига уришган, бошқа айрим болаларни хона ўртасига турғазиб қўйиб, бақириб уришишган ва маълум вақт бошларига ҳам уришган.

Тарбиячи аёллар бу айбловларни рад этишди, аммо суд болакайларни ҳимоя қилди. Қонунбузарлар 320 соат мажбурий меҳнатга жалб қилинди ҳамда икки йилга педагогик фаолият билан боғлиқ бўлган ишларда ишлаш ҳуқуқидан маҳрум қилинди.