БМТ Суриянинг шимоли-шарқида вазият оғирлашаётганидан огоҳлантирди
БМТ Бош котиби Антониу Гутерриш Суриянинг шимоли-шарқида гуманитар вазият орғирлашганидан хавотир билдирди. Унинг айтишича, ҳудудда яшаган камида 160 минг киши уйларини тарк этишга мажбур бўлган.
Маълумки, Туркия армияси 9 октябрдан бери Суриянинг шимоли-шарқида ҳарбий операция ўтказиб келмоқда. Гутерриш томонларни босиқликка ундаб, халқаро гуманитар ҳуқуққа ва БМТ низомига риоя этишга чақирди.
Сурияликларнинг ҳудудни тарк этиши давом этмоқда. Айн-Исса лагеридаги 13 минг қочқин эса тўқнашувларнинг орасида қолган. Лагердагилардан баъзилари хавфсиз жойга қочган бўлса-да, аксари бунинг иложини тополмаган.
БМТ тинч аҳолини ҳимоялашни ҳамда одамларнинг хавфсиз жойга кетишига имконият яратилишини талаб қилмоқда.
Manba: azon. uz