БМТ: "Бу тўлиқ рўйхат эмас..."

БМТ: "Бу тўлиқ рўйхат эмас..."

БМТ: "Украинадаги урушнинг биринчи ҳафталарида рус қўшинлари 400 дан ортиқ тинч аҳолини, шу жумладан 30 болани ўлдирди ва бу тўлиқ рўйхат эмас"

БМТнинг инсон ҳуқуқлари бўйича ҳисоботига кўра, Россия кучлари Украинадаги урушнинг дастлабки ҳафталарида камида 441 нафар тинч аҳолини, жумладан, болаларни ўлдирган.

Гап Украинанинг учта вилояти — Киев, Чернигов ва Суми ҳақида кетмоқда.

Ҳисоботда қайд этилишича, рўйхат фақат ҳужжатлаштирилган ҳолатлардан иборат бўлиб, урушда қурбон бўлганларнинг ҳақиқий сони анча кўп бўлиши мумкин.

Ҳисоботда айтилишича, топилган жасадларнинг аксариятида қасддан қотиллик аломатлари бор.

"Таърифланган ҳаракатлар Россия қуролли кучлари томонидан ўз назорати остидаги ҳудудларда содир этилган ва 441 нафар тинч аҳоли — 341 эркак, 72 аёл, 20 ўғил ва 8 қизнинг ўлимига олиб келган", дейилади хабарда.

Россия расмийлари украиналик фуқароларнинг оммавий ўлимига алоқадорлигини рад этиб, улар фақат ҳарбий нишонларга ўқ узаётганини таъкидламоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!