Блинкен Ереван ва Бокуни Қорабоғ можаросини тўғридан-тўғри музокаралар йўли билан ҳал қилишга чақирди

АҚШ давлат котиби Энтони Блинкен Арманистон бош вазири Никол Пашинян ва Озарбайжон президенти Илҳом Алиев билан телефон орқали мулоқотда уларни Тоғли Қорабоғдаги можарони тўғридан-тўғри музокаралар йўли билан ҳал қилишга чақирди, деб хабар бермоқда АҚШ Давлат департаменти.

Давлат департаментининг хабар беришича, “Котиб Блинкен Тоғли Қорабоғдаги можаро билан боғлиқ ёки ундан келиб чиқадиган муаммоларни ҳал қилиш учун Озарбайжон ва Арманистон ўртасида кескинликни пасайтириш ва тўғридан-тўғри мулоқот ўтказишга чақирди”.

Блинкен “АҚШ минтақадаги вазиятни диққат билан кузатаётганини” қайд этди. Давлат котиби Алиев билан бўлган суҳбат ҳақида ўз твиттерида Вашингтон Боку ва Ереван ўртасидаги мулоқотни ривожлантиришга тайёрлигини маълум қилди.

“Президент Алиевни Америка Қўшма Штатлари Жанубий Кавказда барқарор тинчликка эришиш учун Озарбайжон ва Арманистон ўртасидаги мулоқотга киришишга ва ёрдам беришга тайёрлигига ишонтирди”, - деб ёзади Блинкен.