Биткоин Сальвадор мамлакатининг расмий валютасига айланди

Биткоин Сальвадор мамлакатининг расмий валютасига айланди

9 июнь куни Сальвадор парламенти ушбу криптовалютани расмий валюта деб тан олувчи қонун лойиҳасини қабул қилди. Мамлакат президенти Найиб Букеле тез орада ушбу ҳужжатни имзолашни ваъда берди.

Ушбу ҳужжат Сальвадорда биткоин криптовалютасини тўлов учун қабул қилишни мажбурий қилиб қўяди.

Сальвадор раҳбари биткоиннинг АҚШ доллари билан бир қаторда расмий тўлов воситасига айланишини таъкидлади. Мамлакатда қонун кучга кирган кундан бошлаб 90 кун ичида тўловларни криптовалютада қабул қилиш учун инфратузилма яратилиши кўзда тутилмоқда.

Аввалроқ Найиб Букеле биткоинни расмий тўлов воситаси сифатида тан олиш мамлакатнинг чет элда ишлаётган фуқаролари учун уйларига пул ўтказмаларини амалга оширишни осонлаштириши ҳақида айтган эди. Ушбу маблағлар Сальвадор ЯИМининг тахминан 20% ини ташкил қилади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!