Биринчи президент жонлантириш бўлимида

Биринчи президент жонлантириш бўлимида

Украинанинг биринчи президенти Леонид Кравчук, июн ойи охирида ўтказилган юрак операциясидан сўнг ҳали ҳам жонлантириш бўлимида, сунъий нафас бериш мосламасига уланган ҳолда эканлигини маълум қилинди.

APnews агентлигининг собиқ президент атрофидаги манбаларидан олинган маълумотларга кўра, унинг соғлиги тикланиш динамикаси жуда суст.

«Леонид Макарович интенсив терапияда, у шошилинч равишда бажарилиши керак бўлган мураккаб операцияни бошдан кечирди. Ҳозирда жонлантириш бўлимида. Саломатлигининг тикланиш динамикаси суст. Шифокорлар ҳозирча бу ҳақида бирор маълумот бермаган», - дея такидлайди манба.

Аввалроқ Кравчук юрак операцияни бошдан ўтказгани хабар қилинган эди. Кейинчалик Украина делегацияси вакили ва президент девони раҳбарининг маслаҳатчиси Алексий Арестовичнинг айтишича, Донбассдаги можарони ҳал қилиш бўйича алоқа гуруҳидаги Киев делегацияси раҳбарини Кравчукнинг саломатлиги ёмонлиги туфайли ўрнига бошқани тайинлаш масаласи ҳали кўриб чиқилмаган. Украина ОАВлари Кравчук ёз охиригача музокараларда қатнашмаслигини хабар қилган.

Кравчук Украинанинг биринчи президенти бўлиб, мамлакатни 1991-1994 йилларда бошқарган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!