Бир ойлик чақалоғини ўлдирган 21 ёшли она қилган жиноятини эслай олмаяпти
Украинанинг Ровно шаҳрида даҳшатли ҳодиса содир бўлди: 21 ёшли қиз боласини ўлдириб, энди эслай олмаяпти.
Алевтина эри Ваня билан бахтли ҳаётни бошлаган эди. Оилага ҳамманинг ҳаваси келарди. Қиз институтни битирган, эри эса яхши жойда ишларди. Бироқ фарзандини дунёга келтиргандан сўнг қиз ақлий муаммоларга дуч кела бошлади.
Айтиш керакки, фарзандини дунёга келтиришига оз қолганда қизда гепатит мененженсефалити аниқланади. Шундан сўнг Ивано-Франкивск ақли заифлар шифохонасига олиб борилади. Туғруқдан кейин қизнинг аҳволи яхшилашгач бир неча ҳафта ўтиб, унга уйига кетишга рухсат берилади.
Бироқ уйда даҳшатли ҳодиса юз беради. Қизнинг турмуш ўртоғи уйига келиб, қўллари қонга беланган хотинининг бир ойлик қизи устида турганини кўради. Алевтина ойлик қизалоғининг томоғини кесиб ташлаганди.
Қиз нафақат ҳаракатини тушунтира олмади, балки қилган ишларини ҳам эслай олмади. Мутахассисларнинг айтишича, бу хасталик - энсефалит белгиси ҳисобланади. Кўриниб турибдики, мия яллиғланиши руҳий мураккабликни келтириб чиқарган.
