Байденнинг штаб-квартираси Трампнинг CОVID-19га қарши ҳаракатларини танқид қилувчи реклама учун пул ажратди

АҚШнинг собиқ вице-президенти Жо Байденнинг штаб-квартирасида АҚШ президенти Дональд Трампнинг янги турдаги коронавирус пандемиясига қарши курашишга қаратилган ҳаракатларини танқид қилган реклама маҳсулотларини ишлаб чиқариш учун маблағ ажратилди.

Бу ҳақда CNN хабар бермоқда.

Штаб-квартиранинг матбуот котиби Жен О’Малли-Диллоннинг таъкидлашича, жами 280 миллион доллар ажратилган.

Унинг қўшимча қилишича, реклама Байден тўғридан-тўғри камерага қараб томошабинларга мурожаат қиладиган видеолардан иборат бўлади.

Шунингдек, реклама роликларда коронавирусдан кейинги даврдаги соғлиқни сақлаш муаммолари ва иқтисодий мавзулар ҳам кўтарилади.

Реклама АҚШнинг 15 штатига тарқатилади.