Байдендан Пекин-2022 Олимпиадасини бойкот қилиш сўралди
АҚШ Вакиллар палатаси аъзоси Жон Кетко АҚШ президенти Жо Байденни 2022 йилги Пекин Олимпиадасини бойкот қилишга чақирди.
Сиёсатчи ХХР расмийларининг уйғурларга нисбатан ҳаракатлари Америка қадриятларига зид эканлигини айтган.
«Геноцидни очиқдан-очиқ амалга ошираётган мамлакатда Олимпиадада иштирок этиш нафақат ушбу умумий қадриятларга путур етказади, балки эркин ва адолатли жамият учун ҳаракат қилаётганларнинг барчасига берилган ваъдаларга соя солади», деган Кетко очиқ хатида.
Пекин Қишки Олимпиада ўйинлари 2022 йилнинг 4-20 февраль кунлари бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
