Байден Украинадаги вазиятни глобал муаммога тенглаштирди

Байден Украинадаги вазиятни глобал муаммога тенглаштирди

АҚШ Президенти Жо Байден Украинадаги урушни нафақат Европа учун, балки бутун дунё учу глобал муаммо деб билади. Бу ҳақда у Токиода “QUAD” саммити арафасида айтиб ўтди. Бу ҳақда DW хабар берди.

Маълумот ўрнида, “QUAD” иттифоқи АҚШ, Австралия, Ҳиндистон ва Японияни ўз ичига олади. Байденнинг айтишича, у ва унинг маъмурияти эркин ва очиқ Ҳинд-Тинч океани учун курашади.

“Россиянинг Украинага ҳужуми халқаро тартиб, ҳудудий яхлитлик ва суверенитетнинг асосий тамойиллари муҳимлигини таъкидлайди. Халқаро ҳуқуқ, инсон ҳуқуқлари дунёнинг қаерида бузилмасин, ҳимоя қилиниши керак”, дейди Америка раҳбари.

Эслатиб ўтамиз, жорий йилнинг 20 май куни АҚШ Президенти Жо Байден ўзининг уч кунлик Осиёга сафари чоғида Жанубий Кореяда бўлди. 21 май куни Жанубий Корея етакчиси Юн Сок Ёл билан учрашув бўлиб ўтди. Кейинчалик Жо Байден 22 май куни Японияга ташриф билан борди. Бу унинг лавозимга киришганидан кейин Японияга биринчи ташрифи ҳисобланади.

Мазкур ташриф доирасида АҚШ Президенти “QUAD” иттифоқи мамлакатлари раҳбарлари билан ҳам учрашди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!