Байден: Агар орол ва Хитой ўртасида ҳарбий можаро юзага келса, АҚШ Тайванни ҳимоя қилади

АҚШ президенти Жо Байден CBC телеканалига берган интервьюсида орол ва Хитой ўртасида ҳарбий можаро юзага келган тақдирда Қўшма Штатлар Тайванни ҳимоя қилишини айтди.

"Ҳа, агар ҳақиқатан ҳам мисли кўрилмаган ҳужум бўлса", деди у Хитойдан тажовуз содир бўлган тақдирда АҚШ Тайванни ҳимоя қилишга тайёрлиги ҳақидаги саволга жавоб бериб.

Байден, шунингдек, АҚШ орол билан ҳамкорлик қилишига қарамай, Тайванни Хитойдан мустақилликка эришишга ундамаётганига ва ягона Хитой тамойилига амал қилишига ишонтирди.

Аввалроқ Россия президенти Владимир Путин Хитой раҳбари Си Цзиньпин билан учрашувда АҚШнинг Тайвань атрофидаги провокацияларини қоралаган эди.