Бахтли никоҳ учун «идеал» ёш маълум қилинди
Америкалик социологлар турмуш қуриш учун энг яхши ёшни маълум қилишди. Таъкидланишича, ушбу даврда турмуш қурганларда аввалроқ ёки кейинроқ муносабатларини қонунийлаштирганларга қараганда ажрашиш эҳтимоли жуда кам, деб ёзмоқда “Marriage.com”.
Мутахассисларнинг қайд этишларича, никоҳ учун мақбул ёш 28 ёшдан 32 ёшгача экан.
«Ҳаётингизнинг ушбу босқичида сиз нимани қидираётганингизни билиш учун етарли тажрибага эга бўласиз, шунингдек, оилавий кундалик мажбуриятларингизни бажариш учун сизда жуда катта куч жамланади. Сиз аллақачон ўз касбингизнинг профессионалисиз, демак, оилада юзага келиши мумкин бўлган молиявий масалада ташвишланишингиз шарт эмас» - дейди социологлар.
Қайд этилишича, олдинроқ оила қурганларга ёшликдаги максимализм ва ҳаётий тажрибанинг етишмаслиги бахтли оила қуришга халақит бериши мумкин.
Кейинроқ турмуш қурилганда эса одатлар ва «қурбон бўлишни истамаслик» ёки муросага келмаслик оилавий ҳаётнинг сифатига ҳамда давомийлигига таъсир қилади.
