"Бави" тайфуни Хитой шарқига етиб келди

Шамол тезлиги 40 м/с гача етадиган "Бави" тайфуни Хитойнинг шарқидаги Чжэцзян провинциясига етиб келди.

Бу ҳақда Хитой марказий телевидениеси хабар берди.

Бўрон таъсирини кутиш учун мамлакат шарқида қарийб 2 миллион киши эвакуация қилинди.

Аввалроқ, Миллий сув тошқини ва қурғоқчиликка қарши кураш штаби, шунингдек, Чжэцзян ва Фуцзянь провинциялари расмийлари тайфунга фавқулодда чоралар кўришни 3-даражадан 2-даражага кўтарган эди.

Хитойнинг Марказий метеорология станцияси ҳам кучли ёғингарчилик кутилаётгани сабабли энг юқори даражадаги қизил хавфни эълон қилди.