«Барселона» ўйинчиси ўз рақамини Родрига беришини айтди

«Барселона» янги трансфери Родри Эрнандесга унинг севимли рақамини қолдиришга қарор қилди. Каталония клубининг яқин соатларда эълон қилиниши кутилган юлдуз ярим ҳимоячиси жамоада 16-рақам остида майдонга тушади. Ушбу рақам аввалроқ Фермин Лопесга тегишли эди. Бу ҳақда «блауграна»нинг 23 ёшли футболчиси интервьюсида маълум қилди.

«Родри – жуда кучли футболчи. У жаҳон чемпиони, «Олтин тўп» соҳиби. Биз Испания терма жамоасида бирга ўйнаганмиз ва мен уни дунёдаги энг яхши таянч яримҳимоячи деб ҳисоблайман.

Мен ҳар доим еттинчи рақамни яхши кўрганман. У бўш эканини билганимда, шу рақамни танладим. «Барса» тарихида кўплаб буюк футболчилар айнан еттинчи рақам остида ўйнашган. Албатта, 16-рақам билан хайрлашиш бироз ғамгин бўлди, чунки у мен учун жуда қадрли эди. Лекин ишонаманки, энди у яхши қўлларда бўлади», – дея Ферминнинг сўзларини келтиради Barca Universal.

Маълумотларга кўра, «Манчестер Сити» Родрини «Барселона»га сотиш орқали бонуслар билан бирга жами 76,5 миллион евро атрофида даромад қилади.