"Барселона"нинг 27 ёшли собиқ ҳужумчиси автоҳалокатда вафот этди

“Барселона”нинг собиқ ҳужумчиси Макси Ролон автоҳалокатда вафот этди. У эндигина 27 ёшда эди. Бу ҳақда Goal портали хабар бермоқда.

Манбага кўра, футболчи ва унинг акаси бўлган машина йўлидан чиқиб кетиб, дарахтга бориб урилган, иккаласи ҳам воқеа жойида ҳалок бўлган.

Ролон "Барселона" ёшлар жамоасида ўйнаган, шунингдек, Жанубий Американинг бир нечта клубларини шарафини ҳимоя қилган.

Бундан ташқари, аргентиналик футболчи 2017 йилда Россиянинг “Урал” сафида тиббий кўрикдан ўтган, бироқ Екатеринбург клубига тўғри келмай, Россиядан қайтиб кетган.