Баҳодир Жалолов Токио Олимпиадасини ғалаба билан бошлади (ФОТОГАЛЕРЕЯ)

Хабар берганимиздек, бугун Япониянинг Токио шаҳрида давом этаётган XXXII ёзги Олимпия ўйинларида баҳсларга терма жамоамиз байроқдори Баҳодир Жалолов ҳам қўшилди.

У ўзининг олимпиададаги дастлабки жангини озарбайжонлик Муҳаммад Aбдуллаевга қарши ўтказиб, рақибини 5:0 ҳисобида мағлубиятга учратди.

Ҳамюртимизнинг чорак финалдаги рақиби ҳиндистонлик Сатиш Кумар бўлади. Мазкур жанг 1 август куни Тошкент вақти билан тахминан соат 09:05ларда бошланади.

Қуйида Баҳодир Жалоловнинг илк жангидан олинган энг яхши расмларни эътиборингизга ҳавола қиламиз.