Бағайи: "Эрон музокаралар таклифи билан АҚШга мурожаат қилмади"

Эрон музокаралар таклифи билан Қўшма Штатларга мурожаат қилмади.

Бу ҳақда Эрон Ташқи ишлар вазирлиги вакили Исмоил Бағайи маълум қилди.

"Теҳрон Қўшма Штатлар билан музокаралар ўтказишни сўрамади, аммо масъулиятли сиёсатининг бир қисми сифатида минтақавий воситачининг сўнгги воқеаларни муҳокама қилиш учун Эронга ташриф буюриш таклифини қабул қилди", деди у ва Қатар расмийлари билан учрашув Машҳадда бўлиб ўтганини қўшимча қилди.

Бағайининг сўзларига кўра, Теҳрон ўз позициясини воситачи сифатида ишлаётган Қатарга етказган.

"Мажбуриятларни бузиш АҚШнинг одати. Вашингтон англашув меморандумининг турли қоидаларини доимий равишда бузиб келмоқда, гарчи у имзоланганига атиги 21-22 кун бўлган бўлса ҳам.

Бундан ташқари, Эрон нефтини сотиш лицензиясининг бекор қилиниши ҳақидаги хабарнома меморандумнинг яна бир қоидасини қўпол равишда бузиш деб ҳисобланади ва янги санксиялар ҳақидаги хабарлар ҳужжатнинг тўққизинчи хатбошисига зид келади", деди у.

Багайнинг сўзларига кўра, Америка томони англашув меморандумини турли баҳоналар билан бузган, бу эса музокараларга халақит бермоқда.

Эслатиб ўтамиз, 7 июль куни АҚШ Эрондан нефт, нефть маҳсулотлари ва нефт-кимё маҳсулотларини ишлаб чиқариш, етказиб бериш ва сотиш лицензиясини бекор қилди.