Австрия хавотирда: коронавирус билан оғриган беморлар сони яна кўпая бошлади

Австрия хавотирда: коронавирус билан оғриган беморлар сони яна кўпая бошлади

“Австрияда коронавирус билан касалланганлар сонининг кўпайиши билан боғлиқ вазият хавотирга солмоқда”, деди Австрия соғлиқни сақлаш вазири Рудольф Аншобер.

Унинг сўзларига кўра, ўтган кун давомида мамлакатда 107 та янги юқтириш ҳолати қайд этилган. Ҳозирда Австрияда 677 бемор касалликнинг фаол босқичида.

"Шундай қилиб, биз бир неча ҳафта ичида биринчи марта яна уч хонали “марра”га чиқдик. Бу жуда хавфли вазият”, деди Аншобер.

Ўз навбатида, мамлакат ташқи ишлар вазири Александр Шалленберг австрияликларни коронавирус тарқалиши билан боғлиқ вазият ёмонлашгани сабабли Ғарбий Болқон мамлакатларига саёҳат қилишдан огоҳлантирди.

Ҳозирда Австрия Португалия, Швеция ва Буюк Британиядан ташқари Европанинг яна 32 мамлакати учун CОVID-19 чекловларини олиб ташлаган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!