Атамбаев ИИВ тергов бошқармасига келмади

Атамбаев ИИВ тергов бошқармасига келмади

Алмазбек Атамбаевда собиқ президент дахлсизлиги ҳали мавжуд. Ҳуқуқ тартибот орган ходимларида уни сўроққа чақиртириш ваколати йўқ. Бу ҳақда Sputnik Қирғизистон мухбирига Атамбаевнинг юридик вакили Сергей Слесарев маълум қилди.

Атамбаев гувоҳ сифатида сўроққа чақиртирилганди. Бироқ у боришдан бош тортди. Унинг фикрига кўра, “ҳукумат ҳуқуқий майдондан четга чиқди”.

Ҳозирги вақтда Қирғизистон ИИВ жиноий авторитет Азиз Батукаев озод қилиниши бўйича ишни тергов қилмоқда.

Эслатиб ўтамиз, Қирғизистон парламенти депутатлари Алмазбек Атамбаевни собиқ президент мақомини олиб ташлашга овоз беришди.

Қирғизистон парламенти 13 июнь куни махсус комиссияни ташкил этган ва у олиб борган иш натижасида Алмазбек Атамбаев олтита жиноятга алоқадор бўлиши мумкинлиги ҳақида хулоса қилинган. Жўқорғу Кенеши хулосани тасдиқлаб, бош прокуратурага юборди.

Хулосага кўра собиқ президентга нисбатан қуйидаги айловлар илгари сурилди: Бишкек ИЭС модернизацияси бўйича коррупция иши ва станцияга ноқонуний тарзда кўмир етказиб берилиши, Тарихий музейни реконструкциясида коррупция иши, жиноий авторитет Азиз Батукаевнинг қонунга зид равишда озод этилиши, Кой-Таш ва Чон Сари-Ой қишлоқларида ер участкаларини ноқонуний эгалланиши.

Мамлакат бош прокурори Ўткурбек Жамшитов собиқ президент эҳтимол беш жиноятларга алоқадор бўлиши мумкинлиги ҳақида баёнот берганди.

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!