Арманистонда ҳарбий қисмда ёнғин чиқиб, 15 киши ҳалок бўлди
19 январ куни Арманистоннинг Гегаркуникск вилояти Азат қишлоғидаги ҳарбий қисм казармасида ёнғин содир бўлиб, 15 нафар ҳарбий хизматчи ҳалок бўлди. 3 нафар ҳарбий хизматчининг аҳволи оғир, деб хабар берди Арменпресс.
«19 январ куни соат 01:30да Арманистон Республикаси Мудофаа вазирлигининг N ҳарбий бошқармасига қарашли инженер-сапер роттаси казармасида номаълум шароитда ёнғин содир бўлди. Ёнғин оқибатида ҳалок бўлганлар ва жароҳатланганлар бор», — дейилади агентлик хабарида.
Воқеа сабаблари аниқланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).