Арисдаги портлашлар сабаб Ўзбекистоннинг саккизта поезди ҳаракати вақтинча тўхтатилди
«Ўзбекистон темир йўллари» матбуот хизмати Қозоғистоннинг Арис шаҳридаги ҳарбий қисмда юз берган портлаш муносабати айрим поездлар ҳаракатланиши вақтинча тўхтатилганини маълум қилди. Қайд этилишича, «Қазақстан темир жўли» компанияси томонидан ҳаракат хавфсизлигини таъминлаш мақсадида айрим йўловчи поездлар ҳаракати вақтинча тўхтатилган (айрим поездлар ҳаракати 24 июннинг ўзидаёқ тўхтатилган эди.
Қуйидаги йўловчи поездларининг Арис станцияси орқали ҳаракати вақтинча тўхтатилади:
№5/6 Тошкент – Москва
№149/150 Андижон – Москва
№315/316 Тошкент – Қозон
№369/370 Тошкент – Новосибирск
№381/382 Тошкент – Уфа
№365/366 Тошкент – Челябинск
№321/322 Олмаота – Нукус
№2/1 Олмаота – Тошкент
«Мазкур йўналишлар учун чипталарни сотиб олган йўловчиларга темирйўл кассаларига йўл ҳужжатлари (чипталари) тақдим этилганида чипталарнинг қиймати тўлалигича қайтарилади», — дейилади «Ўзбекистон темир йўллари»нинг хабарида.