АҚШнинг уч штати CОVID-19нинг рекорд даражада ўсганлиги тўғрисида хабар берди

Американинг учта штатида янги коронавирус инфекцияси билан касалланиш ҳолатларининг кунлик рекорд даражада ўсиши қайд этилди, деб хабар бермоқда “Reuters” расмийларнинг маълумотларига асосланиб.

Хусусан, ўтган бир кунда Юта штатида касалликнинг 1198, Жанубий Дакотада 463, Монтанада эса 330 та янги ҳолати аниқланган.

Коронавирус инфекциясининг тасдиқланган ҳолатлари бўйича Қўшма Штатлар дунёда биринчи ўринда туради.

Жонс Хопкинс университети маълумотларига кўра, мамлакатда 6,9 миллиондан ортиқ одам CОVID-19 билан касалланган, шулардан 200 мингдан ортиғи вафот этган, 2,7 миллиондан ортиғи шифо топган.