АҚШдаги казинода бир кунда 200 киши норовирус билан касалланди

АҚШдаги казинода бир кунда 200 киши норовирус билан касалланди

АҚШнинг Луизиана штати Лейк-Чарльз шаҳридаги казинога ташриф буюрганларнинг камида 200 нафари норовирус билан касалланди. «РБК»нинг ёзишича, бу ҳақда маҳаллий WVUE телеканали давлат соғлиқни сақлаш бошқармаси директори Лейси Каванога таяниб хабар берди.

Каванонинг сўзларига кўра, вирус жуда юқумли. «Айни пайтда бу қандай бошланганлиги муҳим эмас, чунки ҳозир вируснинг жамиятда тарқалишини кузатмоқдамиз», — деган у. Шунингдек, одамлар касаллик белгилари пайдо бўлганида ва улар йўқолганидан 3 ҳафта давомида ҳам норовирус ташувчилари бўлиши мумкинлигини таъкидлаган.

Норовирус ошқозон-ичак инфекцияси ривожланишининг сабабларидан биридир. Бундай инфекциялар қусиш, ич кетиши, тана ҳароратининг кўтарилиши каби аниқ белгилар билан намоён бўлади. Қолаверса, вирус жуда юқумли бўлиб, овқатланиш, суюқлик ичиш, шунингдек, уй-рўзғор буюмлари, идишлар, ювилмаган қўллар орқали юқиши мумкин.

АҚШда норовирус билан оммавий касалланиш 2019 йилнинг январь ойида Америка круиз кемасида ҳам кузатилганди. Кема бортидаги 270 дан ортиқ йўловчи норовирусга чалингандан сўнг, круиз Канаверал портига муддатидан олдин қайтган.

Аввалроқ Макао ҳукумати коронавирус тарқалиш хавфи туфайли барча казинолар фаолиятини икки ҳафтага тўхтатишга қарор қилгани хабар берилган эди. Ҳукумат Макаода 10-одам коронавирус билан касаллангани маълум қилингач шундай қарорга келган


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!