AҚШда университет яқинида отишма юз берди, бир киши ҳалок бўлди
AҚШнинг Жоржия штатида, Форт Вэлли университети корпусида отишма содир бўлди. Бу ҳақда 23 октябрь, шанба куни маҳаллий ҳокимиятга таяниб, ABC News телеканали хабар бермоқда.
Ҳодиса натижасида бир киши ҳалок бўлди, яна етти киши жароҳатланди. Расмийларга кўра, марҳум университет талабаси бўлмаган, жабрланганларнинг аҳволи барқарор.
WSB-TV телеканали маълумотларига кўра, 27 ёшли Тайлер Френч ҳалок бўлган.
Университет вазиятни ўрганар экан, университетни вақтинча ёпди. Полиция талабалар ва ходимлар хавф остида эмаслигини билгач, яна очилди.
Отишма ҳақида ҳозирча бошқа маълумот йўқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
