АҚШ Япония иенасини қўллаб-қувватлаш учун валюта бозорига аралашди

АҚШ президенти Дональд Трамп якшанба куни Вашингтон Япония иенасини қўллаб-қувватлаш учун валюта бозорига аралашганини маълум қилди.

Трамп бу чорани «дўстлик сигнали» деб атаб, у АҚШ ва жаҳон иқтисодиётига фойда келтиришини таъкидлади.

Financial Times нашри хабар беришича, Вашингтон ва Токио қарийб 30 йил ичида биринчи марта иенани қўллаб-қувватлаш учун биргаликда валюта интервенциясини амалга оширган.

Бу қадам иена курсининг кескин заифлашувига қарши қаратилган бўлиб, АҚШ ва Япония ўртасидаги молиявий ҳамкорликнинг кучайганини кўрсатиши мумкин.