АҚШ Сенати Дональд Трампга импичмент бермади

АҚШ Сенати президент Дональд Трампни импичмент ишида оқлади. Президент ўз ваколатини суиистеъмол қилиш, конгресс ишига халақит бериш даъволари бўйича айбсиз деб топилган.

Президент ўз ваколатини суиистеъмол қилганлиги тўғрисидаги айбловга 48 киши овоз берган — 47 нафари Демократлар партияси вакиллари ва республикачи Митт Ромни. Иккинчи пункт бўйича айбловни эса 47 нафар сенатор қўллаб-қувватлаган. Трампни ҳокимиятдан четлатиш учун эса камида 67 та овоз керак эди.

Эслатиб ўтамиз, можаро Дональд Трампнинг Украина президенти Владимир Зеленский билан телефон суҳбати чоғида Ҳантер Байден иши бўйича ҳамкасбига босим ўтказиши натижасида бошланганди.