АҚШ санкциялари туфайли Сингапурда Россия кемаси ҳибсга олинди

Сингапурда Россиянинг “Севастополь” кемаси АҚШнинг чеклаш чоралари остида бўлган қарзлари учун ҳибсга олинди.

Маҳаллий ҳокимият идоралари уни сотишга рухсат олишни кутмоқда. Бу ҳақда бугун эрталаб “РИА Новости” кема ташкилоти директори ўринбосари маълумотига таяниб хабар берди.

Аввалроқ АҚШ Молия вазирлиги Россиядаги ушбу иш билан шуғулланувчи компанияни Шимолий Кореяга қайта ишланган нефт маҳсулотларини етказиб беришни ташкиллаштиришда айблаган эди. Айтилишича, Россия кемаларидан, жумладан, “Севастополь” ёрдамида Корея кемаларига нефт маҳсулотлари юборилган.