AҚШ Россияга қарши санкциялар ҳаддан ташқари кучайиб кетиши мумкинлигини тан олди
AҚШ ҳукумати Украинадаги махсус операция туфайли Россия Федерациясига нисбатан жорий қилинган санкциялар ҳаддан ташқари ошиб кетиши мумкинлигини истисно қилмаяпти, деди AҚШ молия вазири ўринбосари Уолли Aдейемо конгрессдаги тингловдаги чиқишида.
C-SPAN каналининг хабар беришича, Aдейемо AҚШ расмийлари аввалроқ санкцияларни ҳаддан ташқари кўп қўллашга йўл қўйганини ва бу тажриба амалдаги маъмурият томонидан Россия Федерациясига нисбатан чеклов чораларини киритишда ҳисобга олинишини таъкидлади. Бироқ, бугунги кунга қадар фақат AҚШда "Россия тузилмалари ва шахсларига қарши мингта санкциялар" жорий этилган. Шу билан бирга, унинг сўзларига кўра, ҳарбий амалиётлар бошлангандан бери Москва гўёки камроқ нефт сотган, бироқ айни пайтда нархлар ошиши туфайли даромадларни оширган.
Aдейемонинг қўшимча қилишича, ҳозирда AҚШ маъмурияти иттифоқчилар ва ҳамкорлар билан Россиядан нефт сотиб олиш нархларининг юқори чегарасини жорий этиш истиқболларини муҳокама қилмоқда, шунингдек, бутун дунё бўйлаб россиялик ишбилармонларнинг активлари тўғрисидаги маълумотларни тўплайди, чунки шундагина санкциялар самара беради.
