АҚШ президенти саломатлиги «аъло» даражада эканини маълум қилди

АҚШ президенти Дональд Трамп 2020 йилда ўтиши керак бўлган ҳар йиллик тиббий кўрикдан барвақт ўтишга қарор қилди. Кўрик вақтида унинг саломатлиги билан жиддий муаммолар аниқланмади. Бу ҳақда Трампнинг ўзи твиттерда маълум қилган.

АҚШ президентининг таъкидлашича, у 2020 йилги президент сайловлари муносабати билан февралда ўта банд бўлиши учун ҳар йиллик кўрикнинг 1-босқичидан эртароқ ўтишга қарор қилган. 

Трампнинг айтишича, кўрик унинг соғлиғи яхши, ҳаттоки “аъло” даражада эканини кўрсатган, бироқ баъзи текширувлар кейинги йилга қолган.

“Ҳар йил ўтадиган тиббий кўрикнинг 1-босқичини бошладим. Ҳаммаси яхши (аъло)! Уни кейинги йил тугатаман”, деб ёзган Трамп.

Трамп кўрикдан Мэриленд штатидаги Уолтер Рид номидаги госпиталда ўтган.