АҚШ молия вазири Европани огоҳлантирди

АҚШ молия вазири Жанет Йеллен Европани энергия нархлари туфайли “қаттиқ қиш” кутаётгани ҳақида огоҳлантирди. АҚШ иқтисодиётига таъсири унчалик катта бўлмайди, деди у.

Бу ҳақда у Вашингтонда Atlantic журнали томонидан ташкил этилган анжуманда айтди.

“Европада энергия нархи кескин ошди. Қиш улар учун жуда оғир бўлади. Албатта, биз оқибатларини кўряпмиз, лекин улар каби азоб чекмаймиз”, — дея Йелленнинг сўзларидан иқтибос келтиради РИА Новости.

Европа Комиссияси президенти Урсула фон дер Ляйен ҳам аввалроқ Европани оғир қиш кутаётганини айтганди.