АҚШ КХДРнинг Испаниядаги элчихонасига қилинган ҳужумга алоқадорлигини инкор этди

АҚШ КХДРнинг Испаниядаги элчихонасига қилинган ҳужумга алоқадор эмас, деди АҚШ давлат департаменти вакили Роберт Палладино.

Қўшма Штатларнинг бунга ҳеч қандай алоқаси йўқ , - деди у журналистларга.

Унинг сўзларига кўра, АҚШ ҳар доим бутун дунёдаги элчихона ва дипломатик миссияларни ҳимоя қилишга чақириб келади.

22 февраль куни ўн кишидан иборат гуруҳ КХДРнинг Мадриддаги элчихонасига ҳужум қилган, ҳужумдан сўнг гуруҳ раҳбари АҚШга жўнаб кетган ва ФҚБ билан боғланиб ҳужум ҳақида ахборот берган, дейилади Испания миллий суди хабарида.

Ҳужумда хусусан, АҚШда яшовчи Мексика фуқароси Адриан Хон Чан, АҚШ фуқароси Сэм Лю ва Корея Республикаси фуқароси У Нан Ли иштирок этган.

Беш кундан сўнг Адриан Хон Чан Нью-Йоркда ФҚБ билан алоқага чиқиб, ҳужум ҳақида батафсил ахборот берган ва элчихонада олинган аудиовизуал материалларни тақдим этган, дейилади суд хабарида.

Manba: kun.uz