АҚШ конгрессмени олиб кетаётган самолёт кўлга фавқулодда қўнди
АҚШ Вакиллар палатаси аъзоси ва Висконсин штатидан Республикачилар партиясидан губернаторликка номзод Том Тиффани ўзи бораётган самолёт электр узилиб қолгандан кейин кўлга фавқулодда қўнганини маълум қилди.
Сиёсатчи бу ҳақда ижтимоий тармоқ саҳифасида ёзди.
"Мен учаётган самолёт Уосо аэропортига яқинлашаётганда электр узилиб қолди. Учувчи Уосо кўлига фавқулодда қўнди. Самолёт чўка бошлаган заҳоти, биз самолётни ташлаб, саёз сувга сузиб кетдик ва у ерда қутқарувчиларни кутдик", деб ёзган Тиффани.
Ҳодисадан сўнг, сиёсатчи ва учувчи маҳаллий касалхонага олиб кетилди. Иккаласи ҳам енгил жароҳатлар олди.