АҚШ фуқароларининг Шимолий Кореяга саёҳатига қўйилган тақиқ 2020 йил кузига қадар узайтирилди
АҚШ ҳукумати мамлакат фуқароларининг КХДРга боришини тақиқлашни яна бир бор кучайтирди, деб хабар берди “The Hill” нашри Давлат департаментига юборилган хабарномага таяниб.
Агар тақиқ АҚШ давлат котиби Майк Помпео томонидан бекор қилинмаса, у 2020 йил 31 августигача амал қилади, деб ёзади нашр.
Бироқ АҚШ Давлат департаменти томонидан Шимолий Кореяга гуманитар масалалар бўйича ёки журналистикага оид масалаларда боришни истаганлар учун истиснолар бўлиши мумкин.
Нашрнинг эслатишича, тақиқ биринчи марта 2017 йилда АҚШнинг ўша пайтдаги давлат котиби Рекс Тиллерсон томонидан америкалик талаба Отто Вормбиернинг вафотидан кейин киритилган. У Шимолий Кореядаги қамоқхонада жазо ўтаётганда касал бўлиб қолди ва шундан кейин комада ўз ватанига жўнатилди, ва у вафот этди. Кейинги тақиқ 2018 йилда узайтирилганди.