«Apple» яна иккита айфонини ишлаб чиқаришни тўхтатди

«Apple» компанияси айрим эски модель «iPhone»ларни ишлаб чиқаришни тўхтатишини маълум қилди. Улар «iPhone»нинг «XR» ҳамда «11 Pro» моделлари бўлиб, ушбу моделлар техник хусусиятига кўра янгиларидан ортда қолмоқда, қолаверса, фойда ҳам келтирмай қўйган.

«iPhone 11 Pro» ўрнига фойдаланувчилар такомиллашган «iPhone 12 Pro» сотиб олишлари мумкин. «XR»га эса 2020 йил баҳорида чиққан «iPhone SE» муносиб ўринбосар бўлади», — дейилади компания изоҳида.

Эслатиб ўтамиз, 2020 йилда «Apple» жами тўртта эски моделдаги смартфонни ишлаб чиқаришни тўхтатди.

Шунга қарамасдан, «тўхтатилган» смартфонлар то тугагунига қадар сотувда бўлади ҳамда улар учун дастурий янгиланишлар тақдим этиб борилади.