Apple тарихда илк марта Huawei'га мағлуб бўлди

Apple тарихда илк марта Huawei'га мағлуб бўлди

Хитойнинг жадал ривожланаётган Huawei компанияси ўз тарихида илк маротаба Apple компаниясига қараганда кўпроқ смартфон сотишга муваффақ бўлди.

International Data Corporation (IDC) халқаро маркетинг компаниясининг маълум қилишича, 2018 йилнинг иккинчи чорагида жаҳон миқёсида смартфон етказиб бериш миқдори 1,8% га, яъни 342 млн донага пасайган.

Бу чоракда аниқланган энг муҳим ҳодиса эса Huawei компаниясининг смартфон етказиб беришда Apple корпорациясидан ўтиб кетгани бўлди. Хитойлик бренд шу чоракнинг ўзида 54,2 млн дона смартфонни бозорга чиқарган. Натижада, унинг иккинчи чоракда жаҳон смартфон бозорида сотилган смартфонлардаги улуши 15,8% га етган. Шунингдек, компаниянинг Хитой смартфон бозоридаги улуши 27% га етган ва Huawei ўз юртида яққол пешқадамга айланган. Apple эса бу чоракда 41,3 млн дона iPhone смартфонидан сотган ҳамда жаҳон бозоридаги улуши 12,1% ни ташкил қилган.

Жаҳоннинг биринчи рақамли смартфон етказиб берувчиси деган ном ушбу чоракда ҳам Samsung компаниясида сақланиб қолган. Жанубий кореялик IT-ишлаб чиқарувчиси мазкур чоракнинг ўзида 71,5 млн дона смартфон сотишга эришган. Унинг халқаро смартфон бозоридаги улуши 20,9% ни ташкил қилмоқда. Ўтган йил билан таққослаганда, Samsung улуши 10,4% га камайган. Демак, Huawei тўғри йўлдан бормоқда ва унинг ўрнини тобора эгалламоқда.

Бир йил аввал Huawei расман смартфон сотишда Apple ҳамда Samsung компанияларини доғда қолдиришини маълум қилган эди. Ҳозир эса режанинг ярми амалга оширилди.

Шунингдек, жаҳон бозорида смартфон сотишда тўртинчи ўринларда Xiaomi ҳамда Oppo брендлари ҳам бор.

Manba: terabayt.uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!